Во следните денови не очекуваат екстремни температури, со максимални вредности кои на места ќе ја надминат и границата од 40 степени. Овие пеколни горештини носат сериозни ризици по здравјето, особено за постарите лица, децата, хронично болните и сите кои поминуваат долго време на отворено.
Избегнувајте излегување во најтоплите часови
Меѓу 11 и 17 часот сонцето е најсилно. Во овој период е препорачливо да се остане во затворен простор, особено доколку нема потреба за надворешни активности.
Носете лесна и светла облека
Изберете памучни или ленени ткаенини кои му дозволуваат на телото да „дише“. Темните бои апсорбираат топлина, додека светлите ја рефлектираат.
Хидратација пред сè
Пијте вода редовно, дури и кога не чувствувате жед. Избегнувајте алкохол, газирани и премногу засладени пијалоци бидејќи тие дополнително го дехидрираат телото.
Разладете го просторот
Користете клима-уреди, вентилатори или природна вентилација во утринските и вечерните часови. Затворајте ги прозорците и ролетните во најтоплиот дел од денот за да ја задржите свежината.
Заштита од сонце при престој на отворено
Носете шешир со широк обод и очила за сонце со UV заштита. Нанесувајте крема со висок заштитен фактор (SPF 30 или повеќе) и повторувајте ја апликацијата на секои два часа.
Следете ги предупредувањата
Внимавајте на симптоми на топлотен удар: главоболка, вртоглавица, забрзано чукање на срцето, конфузија и нагло потење или престанок на потење. Во таков случај, веднаш побарајте медицинска помош.
Грижете се за најранливите
Редовно проверувајте ги постарите соседи, роднини или пријатели кои живеат сами, бидејќи тие се најчувствителни на екстремни температури.
НАЈЧИТАНО НА ИНТЕРНЕТ...
