Во своето гостување во емисијата 360 степени, претседателот на СДСМ, Венко Филипче, нагласи дека неговата партија покажува разумен и конструктивен пристап кон сите клучни државни прашања, но инсистира на транспарентност и отчетност во процесите на одлучување.
„Имаме разумен пристап кон сите прашања и сметам дека нашите аргументи, нашите прашања се навистина издржани“, истакна Филипче. Тој додаде дека СДСМ не се противи на иницијативи што се логични и отворени: „Не би се противеле на нешто што е логично, нешто што е издржано, нешто што е отворено или нешто што е транспарентно“, рече Филипче.
Сепак, предупреди дека во случајот со новото задолжување, клучните информации недостасуваат и јавноста е оставена во темнина. „Нашите прашања се логични. Не може да зајмите пари и да не знаеме од кого позајмуваме или што правиме – тоа е како јас да одам со вашата лична карта во банка и да земам кредит на ваше име и вие утре да дознаете дека имате кредит којшто не знаете под кои услови, каква ќе е каматата, ќе го плаќате, и тоа е кривично дело“, рече Филипче.
„А во нашиот политички свет тоа е очигледно бизнис“, додаде тој, алудирајќи на праксите што според него стануваат норма во актуелното владеење.
НАЈЧИТАНО НА ИНТЕРНЕТ...
