Студ ќе ја окова Македонија, се најавува и снег – Метеоцентар со детална прогноза

Утре времето ќе биде променливо облачно со повремени врнежи од дожд. На планините и на некои од повисоките места врнежите ќе бидат од снег. Ќе дува умерен, а вдолж Повардарието засилен северен ветер, кој ќе продолжи да дува и во понеделник.

Во текот на следната работна седмица времето ќе биде стабилно со ниски утрински температури. Од вторник до четврток по котлините ќе има појава на магла и ниска облачност, поради што и дневни температури ќе бидат пониски.

Прогноза за 16.12.2024
Минимална температура: -5°C до 3°C
Максимална температура: 4°C до 11°C

Утрото студено, преку денот сончево со мала до умерена облачност. Ќе дува слаб до умерен, долж Повардарието засилен северен ветер.

Прогноза за 17.12.2024
Минимална температура: -4°C до 3°C
Максимална температура: 5°C до 14°C

Претпладне со услови за појава на магла по котлините, преку денот сончево со мала до умерена локална облачност. Ќе дува слаб северозападен ветер.

Прогноза за 18.12.2024
Минимална температура: -2°C до 4°C
Максимална температура: 6°C до 16°C

Претпладне со услови за појава на магла по котлините, преку денот сончево со мала до умерена локална облачност. Ќе дува слаб северозападен ветер.