Од предвидените 11 улици во населбата Горно Оризари, денес продолжи градежната офанзива во оваа населба, со асфалтирањето на кракот 7 и кракот 9, заедно со продолжените делови 9.1 и 9.2, во должина од над 400 метри.
Претходно, на улиците се изведуваше мешовита канализација и водоводни приклучоци. Досега, со асфалтирањето се опфатени околу 1400 метри, од вкупно 2028 метри во оваа населба.
Проектот „Реконструкција на коловоз на улици во населбата Горно Оризари“, е во вредност од 23.939.792 денари, а го изведува фирмата „Топлина“ ДООЕЛ с. Подмоље, Охрид. Со него, се реализираат дел од барањата на населението во оваа населба, како и дел од програмата за работа на градоначалникот Тони Коњановски, со кој населбата добива асфалтирани улици и мешовита канализациона мрежа во должина од над 2 километри.
НАЈЧИТАНО НА ИНТЕРНЕТ...
