Кинескиот претседател Кси Џинпинг рече дека успешното партнерство меѓу Кина и САД е можност двете земји да бидат двигатели на меѓусебниот развој, а не пречки, објавија кинеските државни медиуми.
„Кина е подготвена да биде партнер и пријател со Соединетите Држави. Ова ќе биде од корист не само за двете земји, туку и за светот“, рече Кси на годишната церемонија на доделување награди на Националниот комитет за односи меѓу САД и Кина во 2024 година, според информациите на ЦЦТВ.
Кси посочи дека односите меѓу Кина и САД се меѓу најважните билатерални односи во светот и влијаат на иднината и судбината на човештвото.
Двете земји беа во несогласување околу прашањата за националната безбедност, тековните трговски спорови, како и активностите на Кина во Јужното Кинеско Море и интензивирањето на воените вежби околу Тајван.
Трговските односи се влошија во текот на изминатата година и се фокусираа на прашања како што се ограничувањата на електричните возила и напредните полупроводници.
„Кина отсекогаш управувала со кинеско-американските односи во согласност со принципите на меѓусебно почитување, мирен соживот и победничка соработка и секогаш верувала дека успехот на Кина и на Соединетите Држави е заедничка можност“, рече Кси./Извор:Makfax
