На 15 октомври 2024 година, во 23:35 часот, полицијата во Штип лиши од слобода 41-годишен маж од Штип. При претрес во неговиот дом, извршен по наредба на Основниот суд во Штип, полицијата пронајде и одзеде повеќе различни пакувања марихуана, дигитална вага, дробилка со остатоци од марихуана, пари и таблети.
За настанот е информиран јавен обвинител, а осомничениот е задржан во полициската станица. По целосно расчистување и документирање на случајот, Отсекот за недозволена трговија со дрога при СВР Штип ќе поднесе соодветна пријава против него.
