Вчеравечер, во 19.35 часот, во Радовиш, полициски службеници од Одделението за внатрешни работи Радовиш го лишиле од слобода 37-годишниот Ш. Ш. од Радовиш бидејќи бил затекнат како со товарно возило „форд транзит“, со струмички регистарски ознаки, превезува бесправно исечени огревни дрва, извести МВР.
„Дрвата и возилото биле одземени, а по целосно документирање на случајот, против Ш. Ш. ќе биде изготвена соодветна пријава. Истиот ден во село Долни Липовиќ, општина Конче, полициски службеници од ОВР Радовиш, во координација со вработени од Шумската полиција Радовиш, од Г. Т. (34) од село Долни Липовиќ одзеле бесправно исечени огревни дрва, еден трактор и приколка за трактор, а во дворното место на С. Т. од истото село биле одземени бесправно исечени огревни дрва“, соопшти МВР.
Одземените дрва и тракторот со приколка биле пренесени во кругот на Јавното претпријатие „Национални шуми“, подружница „Плачковица Радовиш“. По документирање на случаите, против лицата ќе бидат поднесени соодветни пријави.
