„Внимателно ги следев говорите на сите политичари на различни форуми и можам да кажам дека циркулира значителна содржина во врска со проширувањето на Европската унија (ЕУ). Верувам дека ова е суштинска промена што треба да ја пофалиме како земји-кандидати. Можам да ви кажам дека будно го набљудувам процесот на пристапување, особено новата методологија што е иницирана и тестирана во Северна Македонија и Албанија. Процесот веќе претрпе промени и реформи, истакна министерот за европски прашања Бојан Маричиќ на завршната сесија на Форумот на граѓанското општество, кој годинава се одржува во Тирана, на тема „Отклучување на напредокот: Европска иднина на Западен Балкан“.
Тој како сведок го спомена г-дин Мајсторовиќ од Србија, бидејќи Србија и Црна Гора минуваа низ различен процес и скрининг од она што го имаме ние во моментов. Нашиот процес е позначаен, дава повеќе можности и води кон позначајни дискусии и додаде дека нам нè прашуваат што повеќе можеме да направиме во секое поглавје за време на скринингот за членство во ЕУ и заклучи дека тоа е концептот на забрзано пристапување.
„Во изминатите неколку месеци имаше различни политички пораки кои се поинакви од она што долго време го слушавме. Г-дин Рот ја спомена можноста од 2030 година како потенцијален датум за идно пристапување. Сите овие точки што ги спомна г-дин Рот се добредојдени и верувам дека треба да ги земеме предвид. Иако не сите од нив можеби се реални денес, од суштинско значење е да се земат предвид и да се истражат како потенцијални компромиси“, заклучи Маричиќ.
