Задоволен сум што 130 илјади мои сограѓани ќе добијат повисоки плати, кажа вицепремиерот за економски прашања Фатмир Битиќи во гостувањето во Сител телевизија, прашан за Општиот колективен договор.
-Тие добиваат и системско решение за нивните плати. Нема да биде битно кој ќе биде министер, воспоставивме методологија. Воспоставивме конструктивен дијалог со синдикатот и ставивме крај на политички уцени и влијанија на оние што треба да служат на граѓаните, истакна Битиќи.
Тој додаде дека во колективниот договор има методологија на плати, а платите ќе се индексираат со растот на просечната плата заедно со сложеноста на работата.
Во однос на реакциите од вработените во секторот образование, тој рече дека само за вработените во овој сектор заклучно со септември има пораст на платите за 54% во изминатите пет години.
