Полициски службеници од криминалистичката полиција во содејство со Полициската станица од општа надлежност Битола вчера ги лишија од слобода М. Ј. и Ј. Б., двете лица од Битола, извести МВР.
„Имено, при претрес извршен со наредба од Основниот суд Битола во дом и помошни простории кај М. Ј. од Битола биле пронајдени и одземени амфетамин, три дигитални ваги со остатоци од дрога, рамка од пиштол наполнет со 8 куршуми, 79 куршуми од непознат калибар, 35 маневарски куршуми, грутчеста материја, пакет со распрскувачки каписли за сигнален пиштол. Малку подоцна приведена е и Ј. Б. (34) бидејќи, по преземените мерки и активности, утврдено е дека е поврзана со пронајдената дрога при претресот, соопшти МВР.
Лицата се приведени во Полициската станица Битола и по документирање на случајот, против нив ќе бидат поднесени пријави по член 396 и по член 215 од Кривичниот законик.
