Бројот на починати од западнонилска треска во Македонија се искачи на 11. Последниот регистриран смртен случај е 66-годишна пациентка од Росоман со тешка форма на инфекцијата и зафатен централен нервен систем.
На Инфективната клиника останува хоспитализирана уште една пациентка во тешка состојба, која е на механичка вентилација. Од Клиниката информираат дека од 25 септември немало нови хоспитализации со оваа инфекција.
