Големи се шансите секое утро да се тркалате од кревет директно во кујната за првата шолја топло кафе. Сепак, експертите велат дека може да имате корист од одложувањето на ова утринско задоволство, особено ако ги правите овие пет работи пред вашето кафе.
Јадете хранлив појадок
Секој организам е различен, но многу луѓе можат да пијат кафе на празен стомак без никакви последици. Сепак, некои луѓе кои пијат кафе прво наутро имаат повисоки нивоа на киселост во стомакот и хранопроводникот.
Ненси Мичел, авторка на Асистед ливинг, вели дека е особено важно да појадувате пред кафе ако страдате од воспалителна болест на цревата.
– Воспалението како што е гастритисот ја прави цревната слузница чувствителна на кисела храна – вели таа и додава дека тоа може да предизвика надуеност и непријатност во желудникот.
Испијте малку вода
Благодарение на утринското кафе, често забораваме да се хидрираме на други начини. И додека кафето и другите пијалоци со кофеин се вбројуваат во вкупниот внес на течности, водата е најдобриот начин да го одржите високото ниво на хидратација.
– Започнувањето на денот со вода му помага на вашето тело да се рехидрира по спиење, го започнува вашиот метаболизам, го помага варењето и ја спречува дехидрацијата предизвикана од диуретичкото дејство на кафето – вели Вокер.
Движете се
Кофеинот долго време се поврзува со подобрување на атлетските перформанси, но експертите велат дека вежбањето пред вашата дневна шолја кафе, исто така, може да има одредени придобивки.
– Вежбањето пред кафе може да ја зајакне циркулацијата, да го зголеми нивото на енергија, да го подобри расположението и потенцијално да ги подобри ефектите на согорувањето на мастите со поефикасно користење на сопствените резерви на енергија на телото – вели Вокер.
Измијте ги забите
Дали е подобро да ги миете забите пред или по кафето долго се дебатира, но многу експерти велат дека најдобро е прво да ги измиете забите, а потоа да почекате најмалку 30 минути пред да ја испиете првата шолја кафе.
– Се препорачува да ги миете забите пред да пиете кафе за да ги отстраните наслагите и бактериите, а со тоа да го намалите ризикот од дамки на забите предизвикани од кафето – објаснува Вокер.
Размислете за вашите лекови
Ако земате какви било лекови наутро, треба да разговарате со вашиот лекар дали тие можат да комуницираат со кафе или кофеин.
Линда Кошаба, сертифициран натуропатски ендокринолог и основач на NES, вели дека ова е особено важно кога станува збор за лекови кои се користат за лекување на состојби на тироидната жлезда или дијабетес.
– На пример, левотироксин, вообичаен лек за хипотироидизам, треба да се пие на празен стомак, а потоа треба да почекате 30 минути до еден час пред да јадете или пиете нешто друго освен вода – забележува таа.
