По големата загриженост кај граѓаните поради многу случаи на презадолженост од превисоки камати, провизии и казни за земени брзи кредити на нозе се кренаа и властите.
Измените на законите за облигациони односи и извршување ќе се применуваат и за услугите од финансиските друштва, односно компаниите кои нудат брзи кредити.
На овој начин државата ја зајакнува и контролата, со новите измени и дополнувања на Законот на финансиски друштва се зајакнува и контролата на државата врз работењето на финансиските друштва но и во она што значи наплата на трошоци.
Вртлогот во кој влегуваат многумина станува опасен и токму тоа е причината за презадолженост на многумина граѓани.
Леснотијата со која се даваат кредитите ја влоши ситуацијата, бидејќи за да се подигне ваков кредит доволно е само лична карта или брзо аплицирање на интернет, а полицијата имаше и полни раце работа изминатиот период бидејќи имаше разни случаи на злоупотреба на туѓи лични карти за подигање на вакви кредити кои буквално може да се подигнат од секој ќош.
Усвојувањето на овие законски измени ќе стави крај на должничкото ропство на одредени поединци и семејства, најмногу кон финансиските друштва за брзи кредити.
Граѓаните на социјалните мрежи се жалат дека канцеларии кои нудат брз кеш има насекаде, а рекламите им се агресивни. Граѓани се жалат дека добивале и смс пораки со понуди за брзи кредити без да го дадат својот телефонски број некому.
НАЈЧИТАНО НА ИНТЕРНЕТ...
