Во Скопје се вози без возачка, брзо, пијано – полицијата изрече 193 казни за еден ден

Секторот за внатрешни работи Скопје во текот на вчерашниот ден правеше контроли во областа на сообраќајот.

„На територија на град Скопје изречени се вкупно 193 мерки, меѓу кои за возење повеќе од дозволената брзина 86 санкции, 14 мерки за возење без возачка дозвола, седум санкции за непрописно престројување на возила. Изречени се една мерка за возење под дејство на алкохол, три санкции за технички неисправни и нерегистрирани возила“, велат од МВР.

Вакви контроли се прават секојдневно од полицијата, а изречените мерки се скоро секогаш во двоцифрен број.