Младоста со себе носи чувство на непобедливост, но поразителен факт е дека мозочните удари не се случуваат само кај постарите луѓе. Фактите покажуваат дека сè поголем број луѓе доживуваат мозочен удар уште пред да стигнат до средна возраст.
Иако мозочниот удар досега беше „резервиран“ за повозрасната популација, факт е дека може да им се случи и на многу помлади од 50 години.
– Употребата на нелегални психоактивни супстанци и генетската предиспозиција се предуслов за мозочен удар кај помладата популација, а може да биде предизвикан и од артериска дисекција, која предизвикува затворање на артериите и е директно одговорна за поголемиот дел од мозочните удари кај помладите – објаснува. невролог Блејк Булетко.
Мозочниот удар може да биде придружен и со некои наследни фактори, како што се вродени срцеви заболувања, нарушувања на згрутчувањето на крвта, српеста анемија, метаболички состојби како што е Фабриовата болест.
Неврологот предупредува дека младите никогаш не треба да претпоставуваат дека се 100 отсто безбедни од мозочен удар и дека секогаш треба да се сеќаваат да побараат итна медицинска помош доколку забележат предупредувачки знаци како губење на рамнотежа или нагло губење на видот.
