Владата бара институциите да си ја осигураат сигурноста, по хакирањето на системот на ФЗО

Владата бара од институциите да си ја осигураат сигурноста, по хакирањето на системот на Фондот за здравствено осигурување.

„Владата, на денешната седница, ја разгледа и прифати и Информацијата со предлог мерки за подобрување на безбедноста на информациските системи во институциите од јавниот сектор, со цел градење отпорност во нивната заштита“, велат од владината прес-служба по завршувањето на редовната седница.

Хакираниот систем на ФЗО изминатите денови предизвика хаос во здравствениот сектор. Доцнеше исплатата на плата за здравствените работници, како и боледувањата за граѓаните.