Денеска, во 19:05 часот на 112 во ЦУК е пријавен пожар помеѓу селото Миладиновци и Рафинирија ОКТА во Скопско. Според пријавата, настанал како резултат на искрење на бандера и истиот се проширил на околната сува трева.
На местото на настанот се екипи на Бригадата за противпоѓарна заштита БППЗ на Град Скопје и припадници на Полицијата. Се интервенира на негово целосно гаснење и во моментот, од пријавувањето до сега, нема опасност од негово проширување.
