Пишува: ЉУБИША НИКОЛОВСКИ
Последните анкети покажуваат дека 73 проценти од македонските граѓани сакаат членство во ЕУ и покрај забелешките за тоа во која насока оди земјата, пред се имајќи ја предвид економските прилики во кои се наоѓаат поради светска економска и енергетска криза. За одбележување е што довербата во ЕУ пораснала за цели 11 проценти од минатата година. Тоа е навистина охрабрувачки ако се има предвид дека расположението на граѓаните се променило за само две месеци откако беа почнати преговорите со ЕИ и по масовните протести против т.н. Француски предлог.
Речиси ден по анкетата на ИРИ, Галуп Интернешнл во своето истражување потврдува дека ЕУ и САД се најпосакувани партнери за Северна Македонија.
Истражувањето на „Галуп интернешнл“ открива какво е јавното мислење во однос на ЕУ, САД, Русија и Кина, од аспект на посакувани економски и безбедносни партнери.
Па така за македонските граѓани ЕУ е најпосакуван економски, а САД најпосакуван безбедносен партнер. Ова го покажуваат резултатите од истражувањето на јавното мислење спроведено во 64 земји, во периодот август-октомври 2022 година.
Според резултатите, Европската Унија е најпосакуваниот партнер на Северна Македонија во економската сфера според 34 отсто од испитаниците, а за 28 отсто и најпосакуван партнер во безбедносната сфера. За САД како најпосакуван економски партнер се изјасниле 18%, а 29% ги претпочитаат САД како партнер во безбедносната сфера.
Русија била посакуван економски партнер за 19% од испитаниците, а како безбедносен партнер за 23%. Од испитаниците во РСМ за посакуван партнер во економијата 12% ја сметале Кина, а за безбедносен партнер 6%.
Според резултатите од истражуваното јавно мислење за колективниот Запад (САД и ЕУ заедно), високи 52% од испитаниците во РСМ нив ги преферираат како економски партнери, а 57% и како партнери во сферата на безбедноста. За Русија и Кина (заедно) како за посакувани економски партнери се изјасниле 31%, а како за посакувани партнери во сферата на безбедноста 29%.
И за некое чудо или сепак не, вкупните резултати од 64 земји покажуваат, дека колективниот Запад (ЕУ и САД) останува попривлечен како економски (58%) така и како партнер во безбедноста (59%). За споредба, Кина и Русија заедно добиле 29% поддршка како економски, и 26% како безбедносен партнер.
Ако е така, тогаш зошто ВМРО-ДПМНЕ им го пречи патот на граѓаните кон ЕУ, измислувајќи сто причини за да им го оневозможат бенефитот на сопствените граѓани за кои постојано велат дека се грижат.
Оваа лажна грижа на опозицијата мора да престане, токму во интерес на граѓаните на кои повеќе од сè им е потребен политички и особено економски просперитет што ЕУ им го овозможува.
Како пример кој треба постојано да го имаат граѓаните кога размислуваат за членство во ЕУ се меѓу другото и економски аспекти.
Ние денес имаме околу 39% од просечниот бруто домашен производ (БДП) на Европската Унија. Тоа е мнoгу малку во споредба со оној на Унијата. За да го забрзаме тој процес нашата економија нема доволен раст ниту пак има доволно фискален простор за инвестиции што би го забрзале тој раст.
Затоа ни се неопходни средствата кои доаѓаат од ЕУ преку ИПА фондовите во висина од сто милиони годишно. Според зборовите на Драган Тилев, државен советник во Секретаријатот за европски прашања, тоа не се мали суми на пари кои во земјата влегуваат како реформи или инвестиции и ние мораме да го зголемиме апсорпцискиот капацитет за да се искористат тие пари.
Но со влегување во ЕУ, овие сто милини ќе станат шестотини милини годишно, вели Тилев.
„Тоа е огромен скок. Овие сто милиони би се мултиплицирале за 4 до шест пати, затоа што со членството во ЕУ, би имале пристап до други фондови. На пример кохезиониот фонд го добива секоја држава која има под 90% од БДП од просечниот на ЕУ, а до структурните фондови имаат пристап сите оние кои имаат под 75 % од просечниот БДП на ЕУ. Тоа значи ние со нашите 39 % БДП имаме огромна зона на користење на тие средства во моментот кога ќе станеме членка на ЕУ. За илустрација ако денеска добиваме 100, кога би биле члнеки тоа би биле најмалку 600 милиони евра годишно. Се разбира како членка имате обврска и да уплатите во ЕУ буџетот, но нето бенефитот колку би уплатите а колку би добиле е еден према 4“, вели Драган Тилев од СЕП.
Тогаш зошто македонските граѓани да бидат на сила држени во сиромаштија само поради инаетот на една политичка партија или на суетата на нивниот лидер. Не сфатливо е дека наместо Бугарите, ВМРО-ДПМНЕ сака да им ја одзеде европската иднина на македонските граѓани. Тогаш тоа значи дека ВМРО-ДПМНЕ бара предвремени избори само за да ја легализира оваа нивна заложба и повторно да ја зароби државата.
извор Frontline.mk
