Полициски службеници од Отсекот за општ криминал при СВР Штип, по преземени оперативни мерки и активности, расчистија шест кривични дела тешка кражба и едно кривично дело кражба извршени во периодот од 10.11. до 8.12.2022 од викенд куќи и куќи на подрачјето на Штип.
Поради сомнение дека ги извршил делата, приведен е 18-годишниот Е.Ј. од Штип, кој во службен разговор во полициска станица ги признал кривичните дела. Поголем дел од украдените предмети биле пронајдени, одземени и вратени на оштетените граѓани. По комплетирање на случаите против него ќе бидат поднесени соодветни кривични пријави.
По преземени мерки и активности дополнително се расчистени уште четири кривични дела тешка кражба извршени во текот на 2022 од товарно моторно возило, бутик, стан и куќа, за кои постојат основи на сомнение дека ги извршиле Д.М.(33), С.С.(26), Е.М.(20) и еден малолетник, за кои од претходно се преземени мерки. По комплетирање на случаите против лицата до ОЈО ќе бидат поднесени соодветни пријави.
НАЈЧИТАНО НА ИНТЕРНЕТ...
