Градоначалникот на општина Карпош Стевчо Јакимовски склучил договор со туристичка агенција за „Хотелски и угостителски услуги за потребите на општина Карпош“, пишува 24инфо.
Вредноста на договорот е 700.000 денари или близу 12.000 евра, со време траење од една година или просечно по 1.000 евра месечно за хотелски и угостителски услуги што ќе ги добива општината, односно градоначалникот, советниците и дел од вработените во администрацијата.
Во време на најголема криза, кога постојат препораки за штедење и намалување на трошоците за службени патувања, Јакимовски одвојува 12.000 евра за ручеци и службени патувања.
Истовремено, општина Карпош е една од првите општини која воведе сериозни рестрикции на уличното осветлување па веќе неколку месеци сите сервисни улици се неосветлени нарушувајќи ја општата безбедност на граѓаните.
