„Лидерската средба е можност сите партии да се информираат, да дадат допринос и да дебатираат за тоа што следи. Верувам дека ќе го следиме хрватскиот пример, кои преговорите ги завршија за шест години бидејќи имаше политички консензус“ изјави пратеникот од СДСМ, Дарко Каевски во „24 анализа“ на ТВ24.
Тој додаде дека само со сериозен политички консензус земјава може да успее да ги заврши преговорите во оваа декада.
„Важните прашања за државата се врзани со процесот на преговори со ЕУ. Доколку некој е против ЕУ и е за сојузи со земји од Источна Европа и Азија тоа да го каже пред граѓаните за граѓаните да го знаат ставот на партиите“ рече Каевски.
Пратеникот од СДСМ додаде дека доколку партиите се за ЕУ тогаш придонесот на опозицијата во целиот процес е многу важен и потребен.
НАЈЧИТАНО НА ИНТЕРНЕТ...
