За здрава кожа, коса и виталност, неопходно е да се внесуваат доволно витамини и минерали, кои најмногу ги има во овошјето и зеленчукот.
Морковот е дефинитивно зеленчук кој не се консумира во доволни количини, со оглед на тоа дека е многу здрав.
Го подобрува видот
Најважното влијание што морковот го има врз нашето здравје е тоа што позитивно влијае на видот. Овој зеленчук е богат со витамин А, кој директно влијае на нашиот вид. Покрај тоа, бета каротенот во морковот штити од макуларна дегенерација, глауком и катаракта.
Против висок притисок
Морковите особено се препорачуваат за луѓе кои имаат висок крвен притисок и страдаат од срцеви заболувања. Тие содржат бета-каротен, алфа-каротен и лутеин, кои се антиоксиданси кои го регулираат нивото на холестерол и го намалуваат ризикот од срцеви заболувања.
Одличен е за оралното здравје
Морковите се одлични за оралното здравје. Додека го грицкате овој крцкав зеленчук, ги отстранувате остатоците од храна од забите и ги храните непцата. Покрај тоа, морковите го стимулираат лачењето на плунка, што го враќа нивото на киселост во рамнотежа и го спречува расипувањето на забите. Овој зеленчук е богат и со витамин Ц, кој позитивно влијае на здравјето на забите и непцата.
Го детоксифицира црниот дроб
Овој вкусен зеленчук може да го заштити вашиот црн дроб од токсини. Високото ниво на витамин А во морковот игра важна улога во елиминирањето на токсините од телото. Покрај тоа, морковите ги намалуваат масните наслаги во црниот дроб, додека влакната помагаат за чистење на црниот дроб. Редовното консумирање на крцкавиот портокалов зеленчук го намалува ризикот од хепатитис, цироза и холестаза.
