Mртви сте уморни и едвај чекате да одите во кревет.
Но, мозокот не мирува и мислите ви поминуваат низ главата…
Се разбира, во тој случај нема шанси да заспиете.
За да се спречи ова, експертот за спиење, д-р Најл Стенли, вели дека е важно да одвоите 30 минути за да се подготвите за спиење.
Кога не можете да го најдете сонот, треба да дозволите сонот да ве најде вас. Треба да ги ставите вашето тело и мозок во вистинска состојба за сонот лесно да ве најде. Ова ќе ги опушти вашето тело и ум, рече Стенли.
Експертот Марк Кропли вели дека 30 минути пред спиење се доволни за да се опуштите и да размислите за спиењето.
30 минути пред спиење
Искористете го последниот половина час пред спиење за да ги завршите задачите што сте ги започнале во текот на денот. Испраќајте е-пошта, плаќајте сметки по електронски пат или креирајте список со задачи за следниот ден.
Истражувањата покажаа дека луѓето кои одвојуваат пет минути пред спиење за да напишат список со задачи за следниот ден, многу полесно заспиваат.
25 минути пред спиење
Време е да ги исклучите сите уреди кои емитуваат сина светлина. Тоа значи лаптоп, таблет и мобилен телефон.
Научно е докажано дека сината светлина го спречува ослободувањето на мелатонин, хормонот кој му сигнализира на телото дека е време за спиење.
Доколку е невозможно да го исклучите мобилниот бидејќи алармот треба да ве разбуди, тогаш барем свртете го со спуштен екран или ставете го во фиока, за да не направи проблем синото светло.
20 минути пред спиење
Тоа е идеално време да ги измиете забите и да ја отстраните шминката. Важно е да не се миете неколку минути пред спиење бидејќи тоа ќе ве разбуди.
15 минути пред спиење
Совршено време за брзо туширање. Топлата вода ќе ви помогне да заспиете побрзо бидејќи телото потоа малку се лади.
Експертите велат дека температурата на телото паѓа за десет степени непосредно пред спиење.
10 минути пред спиење
Оди во тоалет. Можеби ви звучи очигледно, но дури 42 отсто од луѓето не спијат добро затоа што не одат да уринираат пред да спијат, а потоа се будат во текот на ноќта.
5 минути пред спиење
Целосно смирете се – затоа нема повеќе да разговарате со вашиот партнер.
За да имате подобар ноќен сон, сфатете дека вашиот кревет е само место за спиење – затоа никогаш не носете го лаптопот во кревет за да извршите дополнителна работа.
