Фејсбук статус на министерот за внатрешни работи, Оливер Спасовски:
Отворање на Преспа форумот за дијалог во Охрид – „Градење на иднината на Западен Балкан во современата европска безбедносна архитектура”.
Со присуство на повеќе претседатели, премиери, шефови на дипломатии, како и претставници на тинк-тенкови на вториот по ред Преспа Форум за дијалог ќе се разговара за иднината на Западен Балкан, со фокус на безбедноста во Европа и Балканот во контекст на руската агресија врз Украина.
Придобивките од Преспа Форумот се евидентни – трите столба на форумот, Охридскиот рамковен договор, Договорот за пријателството со Бугарија и Договорот од Преспа ја позиционираа Република Северна Македонија како фактор на меѓународната мапа и дел од идната генерација на Западен Балкан, дел од мозаикот на Европа, без кој дел Европа не е комплетна кога станува збор за севкупните безбедносни, економски и политички прилики, особено со денешната геополитичка поставеност.
Затоа, и забрзувањето на евроинтегративниот процес на нашиот регион стана врвен приоритет. Веќе не е прашање на проширување, туку на зајакнување на безбедноста и сигурноста на граѓаните.
Оттука, заедно праќаме силни пораки за мир, обединување и соработка втемелена исклучиво на европски вредности, и секогаш на линија на сојузничките политики на НАТО.
НАЈЧИТАНО НА ИНТЕРНЕТ...
