Стоматолошки дупчалки, устата ви се полни со плунка и не можете да голтате. Многумина ги фатила паника на вакви моменти, но има и такви кои генерално се плашат од лекарите и страдаат од јатрофобија.
Ако можете да се идентификувате со тоа, сфаќањето дека времето од денот е клучно за количината на болка што ќе ја почувствувате може да помогне. Советот на стоматологот Јохен Х. Шмит до сите кои се двоумат да дојдат на преглед или подолга процедура гласи: дојдете попладне затоа што тогаш пациентите чувствуваат помала болка предизвикана од инјекции и дупчење.
Имено, мозокот во тој период од денот произведува особено големи количини на ендорфини и опиоиди, кои ја намалуваат болката, тврди стоматологот од Келн. Тогаш анестетикот ќе делува малку подобро и, пред сè, малку подолго.
Според некои проценки, приближно 12 отсто од населението се плаши од лекарите, а кај децата оваа бројка е и до 19 отсто. Но, има помалку пациенти со потешка јатрофобија.
Колку подолго јатрофобите ја одложуваат посетата на лекар, толку им се влошува состојбата, што е чест проблем, велат експертите. Затоа, медицинската процедура се покажува многу понепријатна ако конечно отидат на лекар, што потоа само го потврдува и засилува нивниот страв – како во маѓепсан круг.
За среќа, јатрофобијата може да се излечи со когнитивно-бихејвиорална терапија. Пациентот и терапевтот го анализираат редоследот на настаните за време на медицинската операција, како во бавното движење. Пациентот потоа постепено се изложува на предизвикувачите на неговите стравови.
Стоматолозите денес нудат можност за лекување на плашливи пациенти под општа анестезија или хипноза. Може да помогнат и техниките за релаксација или одвлекување на вниманието со музика или филмови. Исто така, важно е пациентите кои се соочуваат со операција да не го потиснуваат својот страв.
