DevCon се враќа повторно! По вторпат во нашата држава ќе се одржи популарната меѓународна DevCon конференцијата каде на едно место ќе се собере ИТ заедницата од земјава. Годинава со посебен акцент на тие што развиваат веб и мобилни решенија.
Присуството е бесплатно, а регистрацијата е на следниов ЛИНК.
Конференцијата е закажана за сабота 14 мај со почеток од 9 часот и на неа се поканети да присуствуваат сите оние што сакаат да се дружат со останатите колеги од ИТ заедницата, да разговараат за најновите трендови и да ги споделат нивните искуства поврзани со развојот на веб и мобилните апликации.
DevCon е бренд под кој се одржуваат конференции „од ИТ заедницата за ИТ заедницата“, овозможувајќи им на локалните и меѓународните ИТ професионалци да се вмрежуваат, дружат и да споделуваат знаење за најновите трендови во развојот на веб и мобилните апликации.
Годинава вкупно 7 говорници детално ќе зборуваат на различни теми, а покрај македонските презентери Бојан Божиновски, Марко Величковски, Стефан Јанев и Лазар Николов, ќе ги слушнеме и Венелина Јанакиева од Бугарија, Етрит Тахири од Косово и Раду Мицу од Обединетото Кралство.
Целосната агенда на настанот, како и повеќе информации за самата конференција, може да се прочитаат на официјалниот веб сајт.
„Навистина сме среќни што по цели две години пауза повторно имаме можност да закажеме дружба во живо и заедно со останатите колеги од земјава да споделиме знаења и искуства што ќе бидат применливи од следниот работен ден. Покрај квалитетната дискусија, еден од симболите на DevCon е и квалитетното неформално дружење, па со нетрпение го очекуваме овогодинешниот настан“ – вели Петар Баковски, извршен директор во Мелон.
Не пропуштајте, 14 мај, сабота во 09:00 часот, City Hall Скопје.
DevCon е меѓународна ИТ конференција, а кај нас годинава е поддржана со организација од компаниите Melon и Frakton.
