Фејсбук статус на министерот за внатрешни работи Оливер Спасовски:
Среќен сум што стратешката определба на земјата за членство во Европската Унија е приоритет број еден – и тука нема компромиси! Би сакал да верувам дека час поскоро и ние ќе бидеме приоритет за европското семејство, бидејќи Европа ни го должи тоа!
Ние, пак, тоа им го должиме на идните поколенија, но и на нашите предци. На херојот чие име го носи градот-домаќин на денешната свеченост, Гоце Делчев, симболот на македонскиот непокор, по убедување социјалдемократ, по дела револуционер и визионер, како и на неговите соборци. Но, и на учесниците во НОБ, на нашите борци, чии претставници се секогаш наши драги гости, благодарение на кои нашата земја даде огромен придонес во победата над фашизмот во Втората светска војна и го дочекавме сопственото ослободување! Без тоа ослободително движење Македонија немаше да постои! Таа е создадена од илјадниците борци кои ги положија своите животи, Македонија е создадена е од историјата. Токму затоа и не можеме да ја менуваме.
Таа не ни припаѓа нам, туку ние на неа!
НАЈЧИТАНО НА ИНТЕРНЕТ...
