ВМРО-ДПМНЕ партијата која со години го контролираше судството не може да се помири со тоа што денес правосудните органи работат независно и професионално ослободени од политички и лични притисоци. Затоа оваа партија деновиве врши притисоци врз судството, јавно дава директиви како да работат и одлучуваат правосудните институции во предмети во кои самите се инволвирани како партија, велат од СДСМ.
Во соопштението на владејачката СДСМ, се вели дека Христијан Мицкоски и раководството на ВМРО-ДПМНЕ треба да знаат дека заврши времето кога политички партии вршеа притисоци, создаваа свои инсталации во судовите и обвинителствата, и нарачуваа предмети и пресуди. Тоа време заврши со падот на режимот.
– Реформите што Владата, институциите ги спроведоа резултираа со силна, ефикасна и независна правна држава, каде никој, а најмалку политичка партија може да врши притисоци и злоупотреби.
Но, очигледно ВМРО-ДПМНЕ не може да се ослободи од режимската матрица во која е заглавена со години, не може да се помири со независно владеење на правото, па затоа очајно се обидува преку нарачки и притисоци да се меша во работата на правосудството.
Со ова се потврдува дека Мицкоски останува единствен на браникот на криминалот на својата партија и затоа го чека уште еден пораз од граѓаните, заклучуваат од СДСМ.
ПОПУЛАРНО НА ИНТЕРНЕТ...
