Врнежливото време од снег и дожд изминатиов период е зрак надеж дека водата во Преспанското Езеро ќе се врати.
Денешните фотографии и видеа направени од Centar.mk покажуваат дека малите “езерциња” покрај брегот кои се појавија со повлекувањето на езерото подмрзнаа од ниските температури, а плажите се покриени со снег.
Во изминатиот период забележано е минимално враќање на водата во езерото, кое минатото лето беше драстично повлечено.
Доколку продолжи врнежливото време во следниот период, на пролет би требало да се почуствува значително враќање на водата во езерото и поради топењето на снегот на планините Галичица и Баба кои го опкружуваат второто по големина природно езеро во Македонија.
Погледнете ја ексклузивната галерија од фото и видео, кое ја подготви тимот на Centar.mk за Вас.
