Јас како и многу граѓани на Струмица сум изненаден од злобните коментари на одредени граѓани, за жал некои луѓе во текот на огнената стихија, како да се радуваа за пожарот, порача пратеникот Костадин Костадинов по големиот пожар кој синоќа се случи во Глобал.
– Мои сограѓани, таквите луѓе не можеме да ги промениме, едноставно се такви со празни души, без грам сочувство и емпатија.
Но убеден сум таквите луѓе се само гласно малцинство, наспроти искрените, наспроти молитвите на добрите луѓе кои во себе го чувствуваат секој атом на пожртвуваност на пожарникарите, на полицајците, на сите кои учевствуваа во гаснењето на пожарот.
Верувале или не на таквите празни души, препорачувам да им простиме, оти тие буквално не знаат што направиле, вели Костадинов.
