Тројца 20-годишници се шетале со ножеви во Скопје

Полицијата пронајде ножеви кај три лица на возраст од 20-тина години кои се шетале низ Скопје.

Според информациите на МВР, вчера во 16.40 часот на улица Св.Климент Охридски во Скопје, при преглед кај Р.А.(21) од Сингелиќ, скопско и Ф.А.(23) од Грушино, скопско, полициски службеници пронашле и одзеле по еден нож.

Исто така, околу 18 часот, полициски службеници го привеле З.П.(21) од Скопје затоа што при преглед кај него бил пронајден и одземен нож.

По документирање на случајот, против лицата ќе бидат поднесени пријави.