Од денеска, 17 ноември, на регионалниот пат Р1208, на делницата Калишта – Радожда, кај месноста Елен Камен, е воведен изменет сообраќаен режим. Поради градежни активности, возилата ќе се пропуштаат наизменично по една слободна сообраќајна лента.
Според известувањето што го пренесе АМСМ од изведувачот „Стентон градба“, се воспоставува двонасочен режим со наизменично пропуштање на возилата. Возачите треба да ја почитуваат привремената сигнализација и да бидат подготвени за можни задржувања на оваа делница.
АМСМ информира дека утринава сообраќајот на патиштата се одвива непречено, претежно по влажни коловози и со умерен интензитет надвор од градовите. На граничните премини од македонска страна не се пријавени подолги задржувања.


