Собраниската Комисија за социјална политика, демографија и млади денеска одржа јавна расправа за предложените измени и дополнувања на Законот за семејството. Во фокусот се законските решенија поврзани со пристапот до податоците за посвојување.
Предлогот е поднесен од група пратеници, а во нивно име го образложи потпретседателката на Собранието Весна Бендевска. Расправата ја водеше членката на Комисијата Олга Лозановска.
Во дискусијата учествуваа претставници на надлежни институции, граѓански организации и експерти. Нивните забелешки и предлози ќе бидат дел од понатамошното разгледување на законските измени.


