Од 1 февруари се очекува да започне сместувањето во реконструираниот студентски дом „Кузман Јосифовски-Питу“ во Скопје. Објектот ќе располага со 280 легла, а Министерството за образование и наука најави дека наскоро ќе биде распишан оглас за заинтересираните студенти.
Министерката Весна Јаневска информираше дека реконструкцијата е дел од поширока инвестиција во девет студентски домови, со проценета вредност од 86 милиони евра.
Во меѓувреме, продолжуваат разговорите за можен ваучерски модел на субвенционираниот студентски оброк. Според најавите, Министерството ќе одржи дополнителни консултации со претставниците на студентите.


