Centar.mk
ЛОКАЛНО

ВОДАТА ВО СТРУГА НЕ СМЕЕ ДА СЕ ПИЕ – Јавното претпријатие издаде предупредување, измерена е зголемена заматеност

Водата од градскиот водовод во Струга во моментов не е за пиење поради зголемена заматеност, соопшти Јавното претпријатие „Водовод и канализација“ – Струга. Надлежните ги повикаа граѓаните да не ја користат водата за пиење до следното известување, додека за технички потреби може да се користи.

Според објавените мерења, кај Општата болница е измерена заматеност од 1,8 NTU, кај „Макпетрол“ 1,64 NTU, кај градинката „Сонце“ 1,62 NTU, а кај Заводот за нефрологија 1,52 NTU. Во селото Враништа вредноста изнесува 1,89 NTU, додека кај изворот Шум се измерени 0,89 NTU. Во известувањето е наведена гранична вредност од 1,5 NTU.

Забраната останува на сила до ново известување од надлежното претпријатие. На граѓаните им се препорачува да користат безбедна вода за пиење и подготовка на храна и да ги следат официјалните информации за квалитетот на водоснабдувањето.

Можеби ќе ве интересира

БЕСПЛАТНА ОБУКА ЗА ФИНАНСИСКА ПИСМЕНОСТ – Општина Центар објави повик за заинтересирани жени

ДЕСК

Збогатен возниот парк на ЈКП „Илинден“ со нов камион кипер

ДЕСК

ДЕНЕСКА БЕЗ СТРУЈА ДЕЛОВИ ОД СКОПЈЕ И ОКОЛИНАТА – Објавени термините за Кисела Вода, Петровец и Сопиште

ДЕСК