Советот на Европската Унија денеска додаде едно физичко лице и еден правен субјект на санкциската листа поврзана со Хамас и Палестински исламски џихад. Според соопштението на Советот, причината е нивната улога во финансирањето на Хамас.
Одлуката е дел од постојната европска санкциска рамка со која се настојува да се ограничат финансиските канали што им стојат на располагање на организациите опфатени со мерките.
Новите санкции претставуваат дополнителен чекор во политиката на Европската Унија за спречување финансирање на организациите кои се на нејзините антитерористички списоци.


