Дваесет и пет сообраќајни незгоди се регистрирани по обилните врнежи во Варна, според утринскиот извештај на БНТ. Спасувачките екипи интервенирале и кај Зеленчуковата берза, каде извлекле маж од автомобил заглавен во вода.
Поплавените улици и подвозници вчера го отежнале движењето, а автобусите доцнеле од 20 до 40 минути. Од градското сообраќајно претпријатие утрово соопштиле дека возилата немаат оштетувања и дека линиите започнале да сообраќаат според распоредот.
За денеска се очекуваат нови интензивни врнежи, а службите се во зголемена готовност. Настава во училиштата во општината нема да се одржува, вклучително и преку интернет.
