Centar.mk
Photo: Joyce N. Boghosian/the white house photo/flickr/ Licensed like United States government work / https://www.flickr.com/photos/whitehouse/55143896598/
СВЕТ

Трамп: Ако победат демократите, ќе станам „Г-дин Вето“

Американскиот претседател Доналд Трамп предупреди дека би можел да стане „Г-дин Вето“ доколку демократите освојат мнозинство на утрешните избори за Конгресот.

„Претпоставувам дека ќе станам ’Г-дин Вето‘. А потоа, во одреден момент, веројатно ќе постигнеме договори. Тие ќе ни испраќаат предлог-закони, а јас ќе ставам вето на нив. По еден или два месеци, откако сè ќе биде блокирано со вета, ќе сфатат дека тоа е само губење време, па ќе дојдат и ќе склучиме договор“, изјави Трамп во подкаст на New York Post, чиј исечок беше емитуван на „Фокс њуз“.

Ова претставува ретко признание од страна на Трамп дека неговата партија би можела да ги загуби изборите за Конгресот.

Претседателот активно води кампања, посетувајќи сојузни држави кои традиционално ги поддржуваат републиканците – но каде што неговата партија сега се соочува со потешка битка поради загриженоста на гласачите во врска со високите трошоци за живот и војната во Иран.

Повеќето анкети покажуваат дека демократите имаат добри шанси да ги освојат трите места што им се потребни за да преземат контрола врз Претставничкиот дом. Демократите, исто така, стануваат сè пооптимистични во однос на можноста да обезбедат мнозинство во Сенатот, каде што, според анкетите, седум трки остануваат крајно неизвесни./Извор:Makfax

Можеби ќе ве интересира

СЕЛО ВО АНГЛИЈА ГЛАСАШЕ ЗА „ОТЦЕПУВАЊЕ“ ОД ВЕЛИКА БРИТАНИЈА – Причината се плановите за сместување мигранти

ДЕСК

КЛИМАТСКИОТ САМИТ COP31 ПРЕД НЕУСПЕХ – ЕУ НЕЗАДОВОЛНА ОД НОВИОТ ДОГОВОР, СПОР ОКОЛУ НАФТАТА И ГАСОТ

ДЕСК

ПОЛИТИЧКИ СКАНДАЛ ВО ФРАНЦИЈА – Истрага за можно оддавање доверливи информации на партијата на Марин Ле Пен

ДЕСК