Основачот на шпанската технолошка компанија Marosa, Педро Пестана, одлучил да подели околу 4,2 милиони евра на своите 120 вработени по продажбата на фирмата за 112 милиони евра. Според објавените информации, наградите ги добиле и вработените со пократок стаж во компанијата.
Пестана го образложил потегот како признание за придонесот на тимот во развојот на бизнисот. Особено ги истакнал вработените што биле дел од компанијата уште во почетната фаза.
Компанијата ја презела меѓународната групација Wolters Kluwer, а според објавените информации, сите 120 вработени ќе ги задржат работните места.
