Италијанската премиерка Џорџа Мелони соопшти дека Владата одобрила мерки за поддршка на превозниците, земјоделците и рибарите, кои се погодени од поскапувањето на горивата. Одлуката следува по повеќедневни протести и блокади што предизвикаа проблеми во снабдувањето во делови од јужна Италија.
Мелони најави и засилени активности за овозможување слободен транспорт на стоки. Според неа, правото на мирен протест мора да се почитува, но заканите, оштетувањето возила и блокирањето на испораките не можат да бидат прифатлив начин на дејствување.
Владата тврди дека дел од финансиската поддршка за патните превозници веќе се исплаќа, додека за земјоделството и рибарството се одобрени дополнителни мерки.
