Финска ќе ѝ предаде на Украина десет дизел-локомотиви од типот Dv12, заедно со резервни делови. Договорот беше претставен во рамките на украинско-финската економска соработка, а целта е да се зајакне железничкиот транспорт во услови на постојани напади врз инфраструктурата.
Украинското Министерство за обновување соопшти дека од почетокот на руската инвазија биле оштетени или уништени речиси 600 локомотиви, од кои повеќе од 300 дизел-локомотиви. Новата помош треба да придонесе за одржување на патничките, товарните и хуманитарните превози.
Предноста на дизел-локомотивите е што можат да работат и кога електричното напојување на железничката мрежа е нарушено.
