Студентите во Србија продолжуваат со подготовките за завршниот предизборен собир на плоштадот Славија во Белград, закажан за 22 октомври. Утрово се организираат нови пешачки колони од Шабац и Ваљево, кои треба да им се приклучат на студентите што веќе тргнале од Горњи Милановац и Заечар.
Според организаторите, студентите од Шабац планираат во текот на денот да стигнат до селото Бањани, каде што е предвиден пречек од локалните жители. Најавена е и колона од Нови Сад, која треба да тргне на 20 октомври. Пешачките маршеви се дел од пошироката мобилизација пред парламентарните избори во Србија.
