На 16.10.2026 во времето од 15:00 до 16:30 часот, врз основа на судска наредба, извршен е претрес во дом и други помошни простории во село Голема Речица кај 57-годишно лице, поради сомнение за сторено кривично дело по член 215 од Кривичниот законик.
При претресот, во една од собите во подрумската просторија под кревет пронајден е еден пиштол марка „екол дуал“ со една празна рамка, додека во помошна просторија во склоп на куќата, во навлака од перница, пронајдени се 22 мали најлонски кесички со кокаин и една поголема најлонска кеса со кокаин.
За време на претресот лицето упатило закани кон полициските службеници и е лишено од слобода и задржано во Полициската станица Тетово за понатамошна постапка.
По документирање на случајот, против него ќе следува соодветен поднесок.
