Променливо облачно со повремени локални врнежи од дожд. На некои од повисоките планини врнежите ќе преминат во слаб снег. Ќе дува умерен, наместа долж Повардарието повремено засилен ветер од северен правец.
Утрото ќе биде студено, а според прогнозната карта минималните температури ќе се движат од -1°C до 10°C. Најниска температура од околу -1°C се очекува во делови од источна Македонија.
Во текот на денот температурите ќе се движат приближно од 9°C до 19°C. Најсвежо ќе биде во западните и дел од северните подрачја, додека најтопло се очекува во југоисточниот дел од земјава.
Во Скопје, променливо облачно со повремен дожд. Ќе дува умерен, во делови од котлината повремено засилен ветер од северен правец.
