Заклучно со 13 октомври, во Македонија се регистрирани 71 случај на западнонилска треска, од кои 66 се лабораториски потврдени. Во последната недела нема нови заразени, но е регистриран уште еден смртен исход.
Вкупниот број починати годинава достигна 11. Девет од жртвите се од Скопје, а по една од Куманово и Росоман. Најголемиот број заболени развиле невроинвазивна форма на болеста.
