Министерот за транспорт Александар Николоски најави подготовка на проект за експресен пат што треба да ги поврзе Радовиш, Струмица и Ново Село, односно да создаде побрза патна врска кон границата со Бугарија. За проектот било разговарано и со градоначалникот на Струмица.
Според информациите од Министерството, во тек е постапка за избор на проектант, а понудите треба да се достават до 8 октомври. По изработката на потребните студии и проектната документација би следувала постапка за изградба. Во Струмица паралелно се реализираат и други инфраструктурни зафати, меѓу кои атмосферска канализација во Просениково вредна 46,6 милиони денари.
