Грчката влада најави зголемување на финансиската помош за греење за претстојната зимска сезона. Премиерот Кирјакос Мицотакис изјави во Литохоро дека поддршката ќе биде поголема, особено за подрачјата каде потребите за греење се повисоки.
Точните износи и критериумите треба да бидат објавени на 14 октомври, непосредно пред почетокот на сезонската продажба на нафта за греење. Владата претходно најави и мерки со кои сака да го ограничи товарот од високите енергетски трошоци врз домаќинствата.
