Албанската влада најавува нова фаза во развојот на туристичкиот сектор, со поголем акцент на гости со повисока потрошувачка, меѓународни хотелски брендови и инвестиции со повисока додадена вредност. Премиерот Еди Рама, говорејќи на Future Hospitality Forum, изјави дека земјата веќе надминува 12 милиони туристички пристигнувања.
Според Рама, следниот предизвик не е само раст на бројот на посетители, туку подобрување на квалитетот на понудата и намалување на притисокот врз инфраструктурата и животната средина. Владата очекува нови крупни инвестиции во туристичката индустрија во следниот период.
