Шеесет и едногодишна жена од Велес била касната од пајак „црна вдовица“ додека работела на нива во атарот на селото Еловец. Таа почувствувала силна болка во раката и грбот, вртоглавица и грчеви низ телото, по што побарала итна медицинска помош.
Пајакот бил донесен во болницата и било потврдено дека станува збор за црна вдовица. По третман и консултација со Клиниката за токсикологија во Скопје, пациентката била во стабилна состојба и била пуштена на домашно лекување.
