На граничниот премин Бајаково–Батровци утрово биле регистрирани задржувања до пет часа на одредени правци. Големи колони има поради засилениот туристички сообраќај кон Јадранското Море.
Задржувања од неколку часа биле пријавени и на Товарник–Шид и на помалите премини меѓу Хрватска и Србија. Гужви има и на наплатните станици, тунелите и јазлите на хрватските автопати.
Хрватскиот авто-клуб ги повика возачите да ја следат состојбата во реално време, да носат доволно вода и да избегнуваат патување во најоптоварените часови.
